«Таза мектеп» жана «Жашыл мурас»: Кайырма-Арык айылындагы мектептин экологиялык демилгелери

А. Деркембаев атындагы мектепте климаттын өзгөрүшү жана айлана-чөйрөнү коргоо боюнча «Таза мектеп» жана «Жаратылышты коргоо, табиятты сактоо» аттуу экологиялык акциялар уюштурулду.

Иш-чаралардын алкагында:

• мектеп аймагына бак-дарактар жана гүлдөр отургузулду;
• экологиялык лекциялар жана тарбиялык сааттар өткөрүлдү;
• климат темасында сүрөт сынагы уюштурулду;
• аймакты тазалоо жана көрктөндүрүү иштери жүргүзүлдү.

Иш-чараларга окуучулар, мугалимдер, ата-энелер жана ФАП кызматкерлери катышты. Демилгелер экологиялык аң-сезимди жогорулатууга, жаштарды жаратылышты коргоо аракеттерине тартууга жана таза, жашыл чөйрөнү түзүүгө өбөлгө түздү.