Энилчек айылындагы «Жашыл мурас» акциясы: жергиликтүү жамааттын жашыл келечекке кошкон салымы

Ысык-Көл облусунун Ак-Суу районундагы Кыдыр-Аке айыл аймагына караштуу Энилчек айылында жергиликтүү тургундардын жана ПИКС өкүлдөрүнүн катышуусу менен «Жашыл мурас» экологиялык акциясы ийгиликтүү өткөрүлдү.

Иш-чаранын негизги максаты айыл аймагын жашылдандыруу жана экологиялык абалды жакшыртуу болду. Акциянын алкагында айыл көчөлөрүнө бак-дарактардын көчөттөрү отургузулуп, жашоочулар айлана-чөйрөнү жакшыртууга өз салымдарын кошушту.

Бак-дарак отургузуу төмөнкү багыттарга оң таасирин тийгизет:

• абанын сапатын жакшыртуу;
• климаттын өзгөрүшүнүн терс таасирин азайтуу;
• топуракты эрозиядан коргоо;
• жашоочулар үчүн жашыл жана ыңгайлуу чөйрө түзүү;
• калктын экологиялык жоопкерчилигин жогорулатуу.

Бул акция жергиликтүү жамааттын экологиялык маселелерди чечүүгө активдүү катышуусунун мисалы болуп, жаратылышты сактоо жана туруктуу өнүгүү үчүн биргелешкен аракеттердин маанилүүлүгүн көрсөттү.

Мындай демилгелер экологиялык абалды жакшыртуу менен бирге калктын климатка багытталган аракеттердин маанисин түшүнүүсүнө көмөк көрсөтөт.