Ак-Суу районундагы ийгиликтүү климаттык демилгелер: жергиликтүү жамааттардын туруктуу өнүгүүгө жана айлана-чөйрөнү коргоого кошкон салымы

Отчетто Кыдыр-Аке айыл аймагында ПИКС өкүлдөрүнүн, жергиликтүү тургундардын, билим берүү мекемелеринин жана жергиликтүү бийлик өкүлдөрүнүн активдүү катышуусу менен ишке ашырылган ийгиликтүү демилгелер көрсөтүлгөн.

Ишке ашырылган негизги демилгелер:

• сел коркунучун алдын алуу жана калкты коргоо максатында Ак-Суу дарыясынын жээгин бекемдөө;
• коомдук жайларды жана парктарды тазалоо боюнча экологиялык акцияларды өткөрүү;
• «Жашыл мурас» жана «Бир адамдан бир көчөт» демилгелеринин алкагында көчөт отургузуу жана жашылдандыруу иштери;
• балдардын жана жаштардын экологиялык аң-сезимин өнүктүрүүгө багытталган билим берүү жана маданий иш-чаралар.

Отчет жергиликтүү жамааттардын биргелешкен аракеттери төмөнкү багыттарга кандай салым кошуп жатканын көрсөтөт:

• климаттык тобокелдиктерди азайтуу;
• инфраструктураны жана жаратылыш ресурстарын коргоо;
• аймактардын экологиялык абалын жакшыртуу;
• айлана-чөйрөгө аяр мамиле жасоо маданиятын өнүктүрүү;
• калкты климатка адаптация жана туруктуу өнүгүү процесстерине тартуу.

Бул ийгиликтүү окуялар жергиликтүү демилгелер климаттык туруктуулукту жогорулатууга жана экологиялык жоопкерчиликтүү коомдорду калыптандырууга чоң салым кошо аларын көрсөтөт.